Wildberries ընկերությունը հայտարարել է, որ չի փոխհատուցի վաճառողներին վնասները, եթե ապրանքները տուժել են ռազմական գործողությունների պատճառով։
Ընկերությունում պարզաբանել են, որ «Վայլդբերրիզն ազատվում է պարտավորությունների չկատարման պատասխանատվությունից, եթե այդ չկատարումը պայմանավորված է ֆորսմաժորային հանգամանքներով, որոնց թվում են նաև՝
երկրաշարժը, ջրհեղեղը, բնական հրդեհը, փոթորիկը և այլ բնական աղետները.
ցանկացած աղտոտող կամ թունավոր նյութերի (հեղուկ, պինդ, գազային) արտահոսքը կամ տարածումը.
գործադուլները, քաղաքացիական անկարգությունները, ապստամբությունները, հանրահավաքները, ցույցերը կամ պիկետները.
ռազմական կամ արտակարգ դրության ներդրումը, ռազմական, մարտական, պաշտպանական գործողությունները, ինչպես նաև սահմանված ցանկացած այլ հատուկ իրավական ռեժիմները.
տեղաշարժի ցանկացած արգելքի ներդրումը (ներառյալ հաղորդակցության ուղիների փակումը).
սպառազինության, ռազմական տեխնիկայի, թռչող սարքերի (ներառյալ ԱԹՍ-ների), խոցման միջոցների, զինամթերքի և դրանց մասերի կիրառման, ազդեցության, անկման, արձակման կամ գործադրման ցանկացած հետևանքները, ինչպես նաև գնդակոծությունները, պայթյունները և խոցման այլ միջոցները, ներառյալ այն օբյեկտները, որոնք համարվում են վնասազերծված՝ չնայած տվյալ տարածքում պայթյունավտանգ առարկաների բացակայության մասին տրված ակտերի (այլ փաստաթղթերի) առկայությանը»։
Համանման փոփոխություններ է կատարել նաև Ozon ընկերությունը։
Source: https://news.am/hy/news/1050514