Ուկրաինայի արտգործնախարար Անդրեյ Սիբիգան հայտնել է, որ հեռախոսազրույց է ունեցել Իրանի ԱԳՆ ղեկավար Աբբաս Արաղչիի հետ՝ իրանական նավին առնչվող միջադեպից հետո։ Նրա խոսքով՝ Կիևը շահագրգռված է հետագա լարվածության սրացման կանխմամբ և բացատրել է Ուկրաինայի դիրքորոշումը։
«Դիվանագիտությունը ուղիղ երկխոսություն է, նույնիսկ երբ այն բարդ է։ Ես ընդգծեցի, որ մեր նպատակն անհարկի լարվածության սրացումից խուսափելն է»,- գրել է Սիբիգան X սոցիալական ցանցում։
I called Iran’s Foreign Minister @araghchi for a frank conversation. Diplomacy is about direct conversation, even when it’s difficult. I stressed that our goal is to avoid unnecessary escalation.I reiterated that all of Ukraine’s actions are aimed solely at defending our…— Andrii Sybiha (@andrii_sybiha) July 28, 2026
I called Iran’s Foreign Minister @araghchi for a frank conversation. Diplomacy is about direct conversation, even when it’s difficult. I stressed that our goal is to avoid unnecessary escalation.I reiterated that all of Ukraine’s actions are aimed solely at defending our…
Ուկրաինացի նախարարը հայտարարել է, որ Կիևի գործողություններն ուղղված են բացառապես երկրի պաշտպանությանը ռուսական ագրեսիայից և «երբեք նպատակաուղղված չեն եղել քաղաքացիական նավերի կամ մարդկանց դեմ»։
Մեկնաբանելով Իրանի հայտարարությունները իր քաղաքացու զոհվելու և քաղաքացիական նավի վնասման մասին՝ Սիբիգան նշել է, որ Ուկրաինան չի ձգտում հակամարտության Թեհրանի հետ, իսկ նրա նպատակը մնում է Ռուսաստանին հակազդելը։ Նրա խոսքով՝ հենց Մոսկվան է պատասխանատվություն կրում պատերազմի հետ կապված «բոլոր սադրանքների և զոհերի» համար։
Սիբիգան միաժամանակ Իրանին կոչ է արել զերծ մնալ ցանկացած քայլից, որը կարող է ուժեղացնել լարվածությունը, և դադարեցնել Ուկրաինայի դեմ պատերազմում Ռուսաստանին ցուցաբերած աջակցությունը։
«Եվրոպան և Մերձավոր Արևելքն արժանի են կայունության, անվտանգության և խաղաղության»,- ընդգծել է ուկրաինական ԱԳՆ ղեկավարը։
Source: https://news.am/hy/news/1052179