Ուկրաինայի Նախարարների կաբինետը Եվգենի Խմարային նշանակել է պաշտպանության նախարարի պաշտոնակատար, իսկ Անդրեյ Սիբիգային՝ արտաքին գործերի նախարարության ղեկավարի ժամանակավոր պաշտոնակատար։ Նշանակումների մասին իր թելեգրամյան ալիքում հայտնել է Ուկրաինայի վարչապետ Սերգեյ Կորեցկին:
Ըստ կառավարության ղեկավարի՝ նախատեսվում է նաև մի շարք նախարարությունների կառուցվածքի վերակազմավորում՝ Գերագույն ռադայի որոշումներին համապատասխան։ Բացի դրանից, իշխանությունները մտադիր են ստեղծել առանձին գերատեսչություն, որը կզբաղվի համայնքների, տարածքների և ներքին տեղահանված անձանց հարցերով։
Եվգենի Խմարան 2026 թվականի սկզբից զբաղեցնում էր Ուկրաինայի անվտանգության ծառայության ղեկավարի պաշտոնը։ Նախօրեին նախագահ Վլադիմիր Զելենսկին հայտնել էր, որ նրան հանձնարարել է ժամանակավորապես կատարել պաշտպանության նախարարի պարտականությունները՝ նրա առավելությունների թվում նշելով «մարդկանց կառավարելու իրական փորձը»։
Խմարայի նշանակումը դարձել է ուկրաինական կառավարությունում կադրային փոփոխությունների մաս՝ պետական գերատեսչությունների կառուցվածքի պլանավորված վերակազմավորման ֆոնին։
Source: https://news.am/hy/news/1050402