Կենտրոնական ընտրական հանձնաժողովի (ԿԸՀ) նախագահ Վահագն Հովակիմյանը ներկայացրել է այն «իրավական հիմքերը», որոնցով ԿԸՀ-ն իրավասու է որոշել «Ուժեղ Հայաստան» դաշինքի անդամ Նարեկ Կարապետյանին պատգամավորական անձեռնմխելիությունից զրկելու հարցը։
Վերջերս լրագրողների հետ զրույցում իրավաբան Արամ Վարդևանյանը հայտարարել էր, որ Կարապետյանի կողմից պատգամավորական մանդատը ստանալուց հետո ԿԸՀ-ն իրավասու չէ լուծել այդ հարցը։ Հարցը գտնվում է Ազգային ժողովի իրավասության տիրույթում, իսկ հնարավոր հղումներն այն մասին, թե Կարապետյանը դեռ չի ստանձնել իր լիազորությունները (ինչը տեղի կունենա օգոստոսի 2-ին), անհիմն են, նշել էր Վարդևանյանը։
Այնուամենայնիվ, ԿԸՀ նախագահը մամուլի ասուլիսի ժամանակ հնչեցրել է հենց այդ փաստարկը՝ պարզաբանելով, թե ինչ հիմքով է ԿԸՀ-ն այսօր ժամը 17:00-ին մտադիր քննարկել Դատախազության միջնորդությունը։ Ընդ որում, Հովակիմյանը վկայակոչել է օրենքի այն կարգավորումները, որոնք վերաբերում են պատգամավորի թեկնածուներին։
Հատկանշական է, որ միջնորդությունն ստացվել է հուլիսի 13-ին կամ 14-ին (Հովակիմյանը հստակ ամսաթիվը չի հիշում), սակայն չգիտես ինչու քննարկվում է միայն այսօր։
Source: https://news.am/hy/news/1050959