ՆԳՆ-ից NEWS.am–ին հերքել են տարածված տեղեկությունը, թե Գագիկ Ծառուկյանին պատկանող կոկորդիլոսը հարձակվել է ՆԳՆ փրկարար ծառայության աշխատակցի վրա։
«Չգիտենք ինչի մասին է խոսքը, մենք ԱԻՆ տուժած աշխատակից չունենք։ Եթե քննչական գործողությունների արդյունքում է եղել, միգուցե Քննչականից տեղեկանանք»,–ասացին ՆԳՆ–ից։
ՔԿ մամուլի խոսնակ Կիմա Ավդալյանն էլ նշել է, որ կորորդիլոսը երեկ է տեխափոխվել և հարձակվելու դեպք չի գրանցվել։
Այսօր ավելի վաղ «Հրապարակ» թերթը գրել էր, որ իրենց տեղեկություններով, հուլիսի 8-ին, երբ քննիչները՝ ԱԻՆ աշխատակիցների ուղեկցությամբ գնացել են Գագիկ Ծառուկյանի տուն՝ կոկորդիլոսների հետևից՝ նրանց ևս Կենդանաբական այգի տեղափոխելու համար, միջադեպ է տեղի ունեցել, կոկորդիլոսը հարձակվել է ԱԻՆ աշխատակցի վրա, նրան տեղափոխել են հիվանդանոց։
Source: https://news.am/hy/news/1048897