Արևմտյան Եվրոպայի խոշորագույն երկրների ֆոնդային ինդեքսները երկուշաբթի օրվա առևտուրն ավարտել են դրական գոտում․ բացառություններ են կազմել իսպանական IBEX 35 ինդեքսը և համաեվրոպական Stoxx Europe 600-ը։
Համաեվրոպական Stoxx Europe 600 համակցված ինդեքսը նվազել է 0,01%-ով՝ հասնելով 641,01 կետի։
Բրիտանական FTSE 100 ցուցիչն աճել է 0,01%-ով, գերմանական DAX-ը՝ 0,19%-ով, ֆրանսիական CAC 40-ը՝ 0,31%-ով, իտալական FTSE MIB-ը՝ 0,37%-ով։ Միևնույն ժամանակ իսպանական IBEX 35-ը կորցրել է 0,25%։
Ներդրողները շարունակում են հետևել Մերձավոր Արևելքում ստեղծված իրավիճակին, որտեղ կիրակի օրը ամերիկացի զինվորականները մեկ շաբաթվա ընթացքում չորրորդ հարվածն են հասցրել Իրանին։ Ի պատասխան՝ Իրանի Իսլամական հեղափոխության պահապանների կորպուսը (ԻՀՊԿ) հարձակվել է տարածաշրջանում գտնվող ԱՄՆ-ի ռազմական բազաների օբյեկտների վրա։
Այս իրադարձությունները հանգեցրել են նավթի գների կտրուկ աճին և նավթային հսկաների բաժնետոմսերի թանկացմանը․ դրանց թվում են Shell-ը (2,3%-ով), TotalEnergies-ը (3%-ով), Eni-ն (3,9%-ով), BP plc-ը (4,6%-ով) և Equinor-ը (4,9%-ով)։
Կիսահաղորդչային հատվածը անկում է ապրել՝ հետևելով Հարավային Կորեայում SK Hynix-ի բաժնետոմսերի ռեկորդային փլուզմանը։ ASML Holding N.V.-ի շուկայական արժեքը նվազել է 1,8%-ով, ASM International-ինը՝ 2,3%-ով, Infineon Technologies-ինը՝ 2,9%-ով, BE Semiconductor Industries-ինը՝ 3,3%-ով։
Stellantis-ի բաժնետոմսերը թանկացել են 2%-ով՝ երկրորդ եռամսյակում ավտոկոնցեռնի մատակարարումների 10% աճի տվյալների ֆոնին՝ հասնելով 1,6 մլն մեքենայի։
Volkswagen-ի կապիտալիզացիան աճել է 0,7%-ով։ Դա տեղի է ունեցել այն բանից հետո, երբ ընկերության ղեկավար Օլիվեր Բլյումեն հայտարարել է, որ ծախսերի կրճատմանն ուղղված լայնածավալ վերակազմակերպման շրջանակում անհրաժեշտ է կրճատել մինչև 50 հազար աշխատատեղ։
Akzo Nobel-ի բաժնետոմսերի գինը բարձրացել է 0,1%-ով, ինչը տեղի է ունեցել այն բանից հետո, երբ նիդերլանդական ընկերությունը հայտարարել է, որ ճապոնական Nippon Paint-ի՝ իր դեկորատիվ ներկերի արտադրության ստորաբաժանումը 7,5 մլրդ եվրոյով գնելու առաջարկը էականորեն թերագնահատում է այդ բիզնեսի արժեքը։
«BASF» քիմիական ընկերության շուկայական արժեքն աճել է 2,7%-ով այն լուրերի ֆոնին, որ Գերմանիայում գտնվող իր հիմնական ձեռնարկությունում հաջողվել է վերացնել շաբաթ օրը տեղի ունեցած ազոտական թթվի արտահոսքը։
«Watches of Switzerland Group Plc»-ի կապիտալիզացիան բարձրացել է 4,2%-ով՝ պայմանավորված այն լուրերով, որ ժամացույցների բրիտանական խանութների ցանցը ընկերության վաճառքի շուրջ բանակցություններ է վարում անհայտ գնորդների հետ։ Հնարավոր գործարքի շրջանակում ընկերությունը կարող է գնահատվել ավելի քան 1,6 միլիարդ ֆունտ ստերլինգ (2,15 միլիարդ դոլար)։
Միևնույն ժամանակ, «Bloomberg»-ի հարցված վերլուծաբանները վատթարացրել են 2026 թվականի եվրոգոտու ՀՆԱ-ի աճի կանխատեսումը՝ նվազեցնելով այն մինչև 0,5% (մեկ ամիս առաջ սպասվող 0,7%-ի փոխարեն)։ Գործակալության հարցվածները նախկինի պես ենթադրում են, որ արժութային բլոկի տնտեսությունը 2027 թվականին կաճի 1,2%-ով, սակայն նվազեցրել են 2028 թվականի ցուցանիշը՝ 1,4%-ից դարձնելով 1,3%։
Source: https://news.am/hy/news/1049676