Իրանը մեկ գիշերվա ընթացքում արտահանել է առնվազն 10 մլն բարել հում նավթ և մազութ, հայտնում է վերլուծական TankerTrackers.com ընկերությունը։ Նրա գնահատմամբ՝ Թեհրանը ձգտում է հնարավորինս արագ վառելիքը դուրս բերել արտաքին շուկաներ՝ մտավախություն ունենալով ԱՄՆ ռազմածովային ուժերի կողմից հնարավոր ծովային շրջափակման վերսկսումից։
Վերլուծաբանների տվյալներով՝ արտահանման ակտիվացումը տեղի է ունեցել անմիջապես այն բանից հետո, երբ Վաշինգտոնը անսպասելիորեն չեղարկել է պատժամիջոցային ռեժիմի 60-օրյա մեղմացումը, որը ժամանակավորապես թույլ էր տալիս Իրանին բացահայտ վաճառել նավթ։
ԱՄՆ-ն այս որոշումն ընդունել է այն բանից հետո, երբ Իրանին մեղադրել են Օրմուզի նեղուցում առևտրային նավերի վրա հարձակումների մեջ, ինչպես նաև Իրանի ռազմական ենթակառուցվածքի օբյեկտներին վերջին 48 ժամվա ընթացքում հասցված ամերիկյան մի շարք հարվածներից հետո։
Source: https://news.am/hy/news/1048924