Անկում ապրող ավտոմոբիլային գործարանների վերափոխումը ռազմական անօդաչու թռչող սարքերի արտադրության գործարանների կդառնա բյուջետային միջոցների զուր վատնում։ Այս մասին հուլիսի 6-ին Financial Times թերթին տված հարցազրույցում հայտարարել է Ճապոնիայի խոշորագույն պաշտպանական ընկերության՝ Mitsubishi Heavy Industries-ի գլխավոր տնօրեն Էյսակու Իտոն։
«Եթե դա արվեր, դա կվերածվեր հարկատուների փողերի հսկայական վատնման։ Չեմ կարծում, որ մենք կարող ենք մեզ դա թույլ տալ», — ասել է նա՝ մեկնաբանելով վերազինման հնարավորությունը։
Նյութի հեղինակները նշել են, որ եվրոպական ավտոկոնցեռնները սկսել են վերափոխել պարապուրդի մատնված կոնվեյերները անօդաչուների և հրթիռային բաղադրիչների արտադրության համար։ Այսպես, Ֆրանսիայում Renault-ը իշխանությունների աջակցությամբ պայմանագրեր է կնքել Thales և Turgis Gaillard պաշտպանական ընկերությունների հետ՝ իր հզորություններում անօդաչուների հավաքման համար։
Իտոն հայտարարել է, որ ռազմական նշանակության անօդաչուների արտադրության համար «սարսափելի գաղափար կլիներ օգտագործել այնպիսի գործարաններ, ինչպիսիք օգտագործվում են ավտոմեքենաների համար», և զգուշացրել է մեծ քանակությամբ ոչ պիտանի, հնացած արտադրանք թողարկելու ռիսկի մասին։
Source: https://news.am/hy/news/1048094