Իրանի արտաքին գործերի նախարար Աբաս Արաղչին և Եվրոպական միության արտաքին գործերի ու անվտանգության քաղաքականության հարցերով բարձր ներկայացուցիչ Կայա Կալասը հեռախոսազրույցի ընթացքում քննարկել են տարածաշրջանային և միջազգային իրադարձությունները, հաղորդում է Իրանի ԱԳՆ-ն։
Իրանի արտաքին գործերի նախարարը քննադատել է տարածաշրջանային իրադարձությունների նկատմամբ եվրոպական երկրների անպատասխանատու մոտեցումը։
«Իր գործողությունների և օկուպացիային ու ցեղասպանությանը ցուցաբերվող համակողմանի աջակցության, ինչպես նաև Իրանի դեմ ամերիկա-սիոնիստական ռազմական ագրեսիայի նկատմամբ իր ոչ համարժեք դիրքորոշման պատճառով Եվրոպական միությունը զրկված է մարդու իրավունքների մասին քարոզելու բարոյական իրավունքից», — նշել է Արաղչին։
Մեկնաբանելով ուկրաինական ռեժիմի խիստ վտանգավոր գործողությունները, որը հարձակվել է Կասպից ծովում իրանական առևտրային նավի վրա, Իրանի արտաքին գործերի նախարարը Եվրոպական միության ներկայացուցչին հիշեցրել է նրա պատասխանատվության մասին՝ որպես ուկրաինական ռեժիմի աջակից, և նախազգուշացրել նման արկածախնդրությունների անկանխատեսելի հետևանքների մասին տարածաշրջանային և միջազգային խաղաղության ու անվտանգության համար։
Կալասը մտահոգություն է հայտնել հակամարտության գոտիների ցանկացած ընդլայնման կապակցությամբ և ընդգծել է Եվրոպական միության ու Իրանի միջև խորհրդակցությունների շարունակման կարևորությունը՝ լարվածության սրումը կանխելու նպատակով։
Source: https://news.am/hy/news/1051738