Կանադայի քաղաքացին ցանկացել է գնդիկավոր պիթոն դուրս բերել Նիդեռլանդներից, այն բանից հետո, երբ այն հայտնաբերվել է նրա կրծկալում՝ Ամստերդամի օդանավակայանում ինքնաթիռ նստելուց առաջ: Այս մասին հուլիսի 16-ին հայտնել է երկրի Սննդի և սպառողական ապրանքների անվտանգության վարչության (NVWA) մամուլի ծառայությունը:
«Կանադացին չի վախեցել օձից: Վերջին հաշվով, նա փորձում էր գնդիկավոր պիթոն (այս տեսակի սողունի մեկ այլ անվանում - խմբ.) ինքնաթիռ բերել իր կրծկալի մեջ: Պաշտպանված օձը հայտնաբերվել է անվտանգության ժամանակ», - գրել են նրանք Instagram-ում:
Զբոսաշրջիկը պնդել է, որ սողունը գտել է իր հյուրանոցում, սակայն դա կասկածներ է առաջացրել տեսուչների մոտ, ովքեր արձանագրություն են կազմել և առգրավել օձին: Օձը ներկայումս պահվում է հատուկ ապաստարանում:
NVWA-ն հիշեցրել է, որ արգելվում է պաշտպանված կենդանիներին իրենց երկրից դուրս բերել:
Source: https://news.am/hy/news/1050218