Գերմանիայի կանցլեր Ֆրիդրիխ Մերցը հեռախոսազրույց է ունեցել Հայաստանի վարչապետ Նիկոլ Փաշինյանի հետ: Գերմանիայի կառավարության տվյալներով՝ զրույցը նվիրված է եղել Մերձավոր Արևելքում տիրող իրավիճակին, Ուկրաինայի դեմ Ռուսաստանի պատերազմին և դրա հետևանքներին Հարավային Կովկասի համար, հայտնում են գերմանական լրատվամիջոցները:
Ինչպես հայտնել է Գերմանիայի կառավարության մամուլի քարտուղար Շտեֆան Կորնելիուսը, երկու երկրների կառավարությունների ղեկավարները քննարկել են ընթացիկ իրավիճակը Մերձավոր Արևելքում, Ռուսաստանի պատերազմը Ուկրաինայի դեմ և դրա ազդեցությունը Հարավային Կովկասի վրա:
Ըստ նրա՝ Գերմանիայի կանցլերը կոչ է արել հետագա քայլեր ձեռնարկել Հայաստանի և Ադրբեջանի միջև խաղաղ գործընթացում և ընդգծել դրա կարևորությունը տարածաշրջանային կայունության համար:
Կորնելիուսը նշել է, որ երկու զրուցակիցներն էլ ընդգծել են համագործակցության խորացման հեռանկարները: «Այս համատեքստում երկուստեք ընդգծվել են երկկողմ հարաբերությունների, ինչպես նաև Հայաստան-ԵՄ հարաբերությունների ընդլայնման հնարավորությունները»,- հայտարարել է Գերմանիայի կառավարության ներկայացուցիչը:
Source: https://news.am/hy/news/1051209